Aliyah 1 - Deuteronomy 26:1 - 26:11

నీ దేవుడైన హషేం నీకు స్వాస్థ్యముగా ఇచ్చు చున్న దేశమునకు నీవు వచ్చి దాని స్వాధీనపరచుకొని దానిలో నివసించుచున్నప్పుడు

నీ దేవుడైన హషేం నీకిచ్చుచున్న నీ భూమిలోనుండి నీవు కూర్చుకొను భూఫలములన్నిటిలోను ప్రథమ ఫలములను తీసికొని గంపలో ఉంచి, నీ దేవుడైన హషేం తన నామ మునకు మందిరమును ఏర్పరచుకొను స్థలమునకు వెళ్లి

ఆ దినములలోనుండు యాజకునియొద్దకు పోయిహషేం మన పితరుల కిచ్చెదనని ప్రమాణము చేసిన దేశమునకు నేను వచ్చి యున్న సంగతి నేడు నీ దేవుడైన హషేం సన్నిధిని ఒప్పుకొనుచున్నానని అతనితో చెప్పవలెను.

యాజకుడు ఆ గంపను నీ చేతిలోనుండి తీసికొని నీ దేవు డైన హషేం బలిపీఠమునెదుట ఉంచగా

నీవునా తండ్రి నశించుచున్న అరామీదేశస్థుడు; అతడు ఐగుప్తు నకు వెళ్లెను. కొద్దిమందితో అక్కడికి పోయి పరవాసియై, గొప్పదియు బలమైనదియు విస్తారమైనదియు నగు జనమాయెను.

ఐగుప్తీయులు మనలను హింసపెట్టి మనలను బాధపరచి మనమీద కఠిన దాస్యము మోపగా

మనము మన పితరుల దేవుడైన హషేంకు మొఱ్ఱపెట్టి నప్పుడు హషేం మన మొఱ్ఱను విని మన బాధను ప్రయాసమును మనకు కలిగిన హింసను చూచెను.

అప్పుడు హషేం బాహుబలమువలనను చాపిన చేతి వలనను మహా భయమువలనను సూచక క్రియలవలనను మహత్కార్యములవలనను ఐగుప్తులోనుండి మనలను రప్పించి

యీ స్థలమునకు మనలను చేర్చి, పాలు తేనెలు ప్రవహించు దేశమైయున్న యీ దేశమును మనకిచ్చెను.

కాబట్టి హషేం, నీవే నాకిచ్చిన భూమియొక్క ప్రథమ ఫలములను నేను తెచ్చియున్నానని నీ దేవు డైన హషేం సన్నిధిని చెప్పి

నీ దేవుడైన హషేం సన్నిధిని దానిపెట్టి, నీ దేవుడైన హషేం సన్నిధిని నమస్కారముచేసి, నీకును నీ యింటివారికిని నీ దేవుడైన హషేం దయచేసిన మేలంతటి విషయము నీవును లేవీ యులును నీ దేశములో ఉన్న పరదేశులును సంతోషింప వలెను.