కీర్తనలు 99
1
హషేం రాజ్యము చేయుచున్నాడు జనములు వణకును ఆయన కెరూబులమీద ఆసీనుడై యున్నాడు భూమి కదలును.
2
సీయోనులో హషేం మహోన్నతుడు జనములన్నిటిపైన ఆయన హెచ్చియున్నాడు.
3
భయంకరమైన నీ గొప్ప నామమును వారు స్తుతించెదరు. హషేం పరిశుద్ధుడు.
4
యథార్థతనుబట్టి నీవు న్యాయమును ప్రేమించు రాజును స్థిరపరచియున్నావు యాకోబు సంతతిమధ్య నీవు నీతి న్యాయములను జరిగించియున్నావు.
5
మన దేవుడైన హషేంను ఘనపరచుడి ఆయన పాదపీఠము ఎదుట సాగిలపడుడి ఆయన పరిశుద్ధుడు.
6
ఆయన యాజకులలో మోషే అహరోనులుండిరి ఆయన నామమునుబట్టి ప్రార్థన చేయువారిలో సమూయేలు ఉండెను. వారు హషేంకు మొఱ్ఱపెట్టగా ఆయన వారి కుత్తరమిచ్చెను.
7
మేఘస్తంభములో నుండి ఆయన వారితో మాటలాడెను వారు ఆయన శాసనముల ననుసరించిరి ఆయన తమకిచ్చిన కట్టడను వారనుసరించిరి
8
హషేం మా దేవా, నీవు వారికుత్తరమిచ్చితివి వారిక్రియలను బట్టి ప్రతికారము చేయుచునే వారి విషయములో నీవు పాపము పరిహరించు దేవుడవైతివి.
9
మన దేవుడైన హషేం పరిశుద్ధుడు మన దేవుడైన హషేంను ఘనపరచుడి. ఆయన పరిశుద్ధ పర్వతము ఎదుట సాగిలపడుడి.