కీర్తనలు 6
1
ప్రధానగాయకునికి, అష్టమశృతిమీద తంతివాధ్యములతో పాడదగినది. దావీదు కీర్తన. హషేం, నీ కోపముచేత నన్ను గద్దింపకుము నీ ఉగ్రతతో నన్ను శిక్షింపకుము.
2
హషేం, నేను కృశించి యున్నాను, నన్ను కరుణించుము హషేం, నా యెముకలు అదరుచున్నవి, నన్నుబాగుచేయుము
3
నా ప్రాణము బహుగా అదరుచున్నది. హషేం, నీవు ఎంతవరకు కరుణింపక యుందువు?
4
హషేం, తిరిగి రమ్ము, నన్ను విడిపింపుమునీ కృపనుబట్టి నన్ను రక్షించుము.
5
మరణమైనవారికి నిన్ను గూర్చిన జ్ఞాపకము లేదుపాతాళములో ఎవరు నీకు కృతజ్ఞతాస్తుతులు చెల్లించు దురు?
6
నేను మూలుగుచు అలసియున్నానుప్రతి రాత్రియు కన్నీరు విడుచుచు నా పరుపు తేలజేయుచున్నాను. నా కన్నీళ్లచేత నా పడక కొట్టుకొని పోవుచున్నది.
7
విచారముచేత నా కన్నులు గుంటలు పడుచున్నవినాకు బాధ కలిగించువారిచేత అవి చివికియున్నవి.
8
హషేం నా రోదన ధ్వని వినియున్నాడు పాపముచేయు వారలారా, మీరందరు నాయొద్దనుండి తొలగిపోవుడి.
9
హషేం నా విన్నపము ఆలకించి యున్నాడు హషేం నా ప్రార్థన నంగీకరించును.
10
నా శత్రువులందరు సిగ్గుపడి బహుగా అదరుచున్నారు వారు ఆకస్మికముగా సిగ్గుపడి వెనుకకు మళ్లుదురు.