కీర్తనలు 4
1
ప్రధానగాయకునికి, తంతివాద్యములతో పాడదగినది. దావీదు కీర్తన. నా నీతికి ఆధారమగు దేవా, నేను మొఱ్ఱపెట్టునప్పుడు నాకుత్తరమిమ్ము ఇరుకులో నాకు విశాలత కలుగజేసినవాడవు నీవే నన్ను కరుణించి నా ప్రార్థన నంగీకరించుము.
2
నరులారా, ఎంతకాలము నా గౌరవమును అవమానముగా మార్చెదరు? ఎంతకాలము వ్యర్థమైనదానిని ప్రేమించెదరు? ఎంతకాలము అబద్ధమైనవాటిని వెదకెదరు?
3
హషేం తన భక్తులను తనకు ఏర్పరచుకొనుచున్నాడని తెలిసికొనుడి. నేను హషేంకు మొఱ్ఱపెట్టగా ఆయన ఆలకించును.
4
భయమునొంది పాపము చేయకుడి మీరు పడకలమీద నుండగా మీ హృదయములలో ధ్యానము చేసికొని ఊరకుండుడి (సెలా. )
5
నీతియుక్తమైన బలులు అర్పించుచు హషేంనునమ్ముకొనుడి
6
మాకు మేలు చూపువాడెవడని పలుకువారనేకులు. హషేం, నీ సన్నిధికాంతి మామీద ప్రకాశింపజేయుము.
7
వారి ధాన్య ద్రాక్షారసములు విస్తరించిననాటి సంతోషముకంటె అధికమైన సంతోషము నీవు నా హృదయములోపుట్టించితివి.
8
హషేం, నెమ్మదితో పండుకొని నిద్రపోవుదునునేను ఒంటరిగా నుండినను నీవే నన్ను సురక్షితముగా నివసింపజేయుదువు.