కీర్తనలు 146
1
హషేంను స్తుతించుడి. నా ప్రాణమా, హషేంను స్తుతింపుము
2
నా జీవితకాలమంతయు నేను హషేంను స్తుతించెదను నేను బ్రతుకుకాలమంతయు నా దేవుని కీర్తించెదను
3
రాజులచేతనైనను నరులచేతనైనను రక్షణ కలుగదు వారిని నమ్ముకొనకుడి
4
వారి ప్రాణము వెడలిపోవును వారు మంటిపాలగుదురు. వారి సంకల్పములు నాడే నశించును.
5
ఎవనికి యాకోబు దేవుడు సహాయుడగునో ఎవడు తన దేవుడైన హషేంమీద ఆశపెట్టు కొనునో వాడు ధన్యుడు
6
ఆయన ఆకాశమును భూమిని సముద్రమును దాని లోని సర్వమును సృజించినవాడు ఆయన ఎన్నడును మాట తప్పనివాడు.
7
బాధపరచబడువారికి ఆయన న్యాయము తీర్చును ఆకలిగొనినవారికి ఆహారము దయచేయును హషేం బంధింపబడినవారిని విడుదలచేయును.
8
హషేం గ్రుడ్డివారి కన్నులు తెరవజేయువాడు హషేం క్రుంగినవారిని లేవనెత్తువాడు హషేం నీతిమంతులను ప్రేమించువాడు
9
హషేం పరదేశులను కాపాడువాడు ఆయన తండ్రిలేనివారిని విధవరాండ్రను ఆదరించు వాడు భక్తిహీనుల మార్గమును ఆయన వంకరమార్గముగా చేయును.
10
హషేం నిరంతరము ఏలును సీయోనూ, నీ దేవుడు తరములన్నిటను రాజ్యము చేయును