కీర్తనలు 14
1
ప్రధానగాయకునికి. దావీదు కీర్తన. దేవుడు లేడని బుద్ధిహీనులు తమ హృదయములో అనుకొందురు. వారు చెడిపోయినవారు అసహ్యకార్యములు చేయుదురు. మేలుచేయు వాడొకడును లేడు.
2
వివేకము కలిగి దేవుని వెదకువారు కలరేమో అని హషేం ఆకాశమునుండి చూచి నరులను పరి శీలించెను
3
వారందరు దారి తొలగి బొత్తిగా చెడియున్నారు మేలుచేయువారెవరును లేరు, ఒక్కడైనను లేడు
4
హషేంకు ప్రార్థన చేయక ఆహారము మింగునట్లు నా ప్రజలను మింగుచుపాపము చేయువారికందరికిని తెలివి లేదా?పాపము చేయువారు బహుగా భయపడుదురు.
5
ఎందుకనగా దేవుడు నీతిమంతుల సంతానము పక్ష మున నున్నాడు
6
బాధపడువారి ఆలోచనను మీరు తృణీకరించుదురు అయినను హషేం వారికి ఆశ్రయమై యున్నాడు.
7
సీయోనులోనుండి ఇశ్రాయేలునకు రక్షణ కలుగునుగాక. హషేం చెరలోని తన ప్రజలను రప్పించునప్పుడు యాకోబు హర్షించును, ఇశ్రాయేలు సంతోషించును.