కీర్తనలు 115
1
మాకు కాదు, హషేం మాకు కాదు నీ కృపాసత్యములనుబట్టి నీ నామమునకే మహిమ కలగునుగాక
2
వారి దేవుడేడి అని అన్యజనులెందుకు చెప్పుకొందురు?
3
మా దేవుడు ఆకాశమందున్నాడు తన కిచ్ఛవచ్చినట్లుగా సమస్తమును ఆయన చేయు చున్నాడు
4
వారి విగ్రహములు వెండి బంగారువి అవి మనుష్యుల చేతిపనులు
5
వాటికి నోరుండియు పలుకవు కన్నులుండియు చూడవు
6
చెవులుండియు వినవు ముక్కులుండియు వాసనచూడవు
7
చేతులుండియు ముట్టుకొనవు పాదములుండియు నడువవు గొంతుకతో మాటలాడవు.
8
వాటిని చేయువారును వాటియందు నమ్మికయుంచు వారందరును వాటివంటివారై యున్నారు.
9
ఇశ్రాయేలీయులారా, హషేంను నమ్ముకొనుడి. ఆయన వారికి సహాయము వారికి కేడెము
10
అహరోను వంశస్థులారా, హషేంను నమ్ముకొనుడి. ఆయన వారికి సహాయము వారికి కేడెము
11
హషేంయందు భయభక్తులుగలవారలారా హషేంయందు నమ్మిక యుంచుడి ఆయన వారికి సహాయము వారికి కేడెము.
12
హషేం మమ్మును మరచిపోలేదు ఆయన మమ్ము నాశీర్వదించును ఆయన ఇశ్రాయేలీయుల నాశీర్వదించును అహరోను వంశస్థులనాశీర్వదించును
13
పిన్నలనేమి పెద్దలనేమి తనయందు భయభక్తులు గల వారిని హషేం ఆశీర్వదించును.
14
హషేం మిమ్మును మీ పిల్లలను వృద్ధిపొందించును.
15
భూమ్యాకాశములను సృజించిన హషేంచేత మీరు ఆశీర్వదింపబడినవారు.
16
ఆకాశములు హషేంవశము భూమిని ఆయన నరుల కిచ్చియున్నాడు.
17
మృతులును మౌనస్థితిలోనికి దిగిపోవువారును హషేంను స్తుతింపరు
18
మేమైతే ఇది మొదలుకొని నిత్యము హషేంను స్తుతించెదము హషేంను స్తుతించుడి.